Надежда Петрова қазақстандық теннисшіні Уимблдон фавориттерінің қатарына қосты
Ресейдің еңбек сіңірген спорт шебері, Олимпиада жүлдегері Надежда Петрова қазақстандық теннисші Елена Рыбакинаны Уимблдон-2026 турнирінің басты фавориттерінің бірі ретінде атап өтті, деп хабарлайды Prosports.kz.
Петрованың пікірінше, Рыбакина шөп төсенішінде өте сенімді өнер көрсетеді және бұл жабынды жақсы меңгерген. Оның айтуынша, қазақстандық теннисші бұрын Уимблдонда жеңіске жеткендіктен, турнирдің басты үміткерлерінің қатарында болуы заңды.
Сарапшы сондай-ақ фавориттер қатарына әлемнің бірінші ракеткасы Арина Соболенконы, америкалық Коко Гауффты және чехиялық Барбора Крейчикованы қосты.
Айта кетелік, Уимблдонның негізгі кезеңі 29 маусым мен 12 шілде аралығында өтеді. Елена Рыбакина қазір әлемнің екінші ракеткасы саналады және 2022 жылғы Уимблдон чемпионы.