Елена Рыбакина Токиода ширек финалға жолдама алды
Қазақстандық теннисші Елена Рыбакина Токиода өтіп жатқан WTA 500 санатындағы турнирдің ширек финалына шықты. Ол екінші айналымда отандасы Юлия Путинцеваны жеңді, деп хабарлайды Prosports.kz.
Кездесу екі сетте аяқталды. Рыбакина 6:2, 6:3 есебімен жеңіске жетіп, жарыстың келесі кезеңіне өтті.
Ширек финалда қазақстандық теннисші канадалық Лейла Фернандеспен кездеседі.
Айта кетейік, Елена Рыбакина әлемдік теннистегі жетекші спортшылардың бірі әрі Қазақстанның әйелдер теннисіндегі басты жұлдызы. 2023 жылдың маусымында ол WTA рейтингінде үшінші орынға көтеріліп, сол кезеңдегі ең үздік көрсеткішіне қол жеткізді.
2022 жылдың қаңтарында Рыбакина Уимблдон турнирінде жеңіске жетіп, Қазақстан тарихында «Үлкен дулыға» турнирінің жекелей сынында чемпион атанған алғашқы теннисші болды.
2023 жылы қазақстандық спортшы Аустралия ашық чемпионатының финалына шығып, Индиан-Уэллстегі WTA 1000 турнирінің жеңімпазы атанды. Оның жетістіктері Қазақстанның әлемдік теннистегі беделін арттырды.
