Лейла Фернандес Токиода ширек финалға шықты

Канадалық теннисші Лейла Фернандес Токиода өтіп жатқан WTA 500 санатындағы турнирдің ширек финалына жолдама алды, деп хабарлайды Prosports.kz.

Әлемдік рейтингте 23-орында тұрған Фернандес екінші айналымда дүниежүзілік рейтингтің 14-сатысындағы бельгиялық Элизе Мертенсті жеңді. Турнирде бесінші нөмірмен тіркелген қарсыласын канадалық теннисші екі сетте ұтты.

Екі сағаттан астам уақытқа созылған кездесу 6:2, 7:6 (10:8) есебімен аяқталды.

Енді Фернандес ширек финалда қазақстандық Елена Рыбакина мен Юлия Путинцева арасындағы матчтың жеңімпазымен кездеседі.