Әли Ахмедов пен Геннадий Головкин бірге жаттығып жатыр
Қазақстанның және әлемнің спорт жаңалықтарына жазылыңызЕкінші орта салмақта бақ сынайтын қазақстандық боксшы Әли Ахмедов (16-0, 12 КО) Геннадий Головкинмен бірге жаттығудың артықшылығын айтты, деп жазады Prosports.kz.
Бұл туралы отандасымыз инстаграм желісіндегі жеке парақшасында жазды. Ол GGG-мен бірге жаттығу сәтінен видеожазба жариялады.
«Қазақстанда бокс - өте танымал, бәсекеге қабілетті спорт. Геннадиймен бір жаттығу лагерінде болу мықты мотивация береді. Біз күн сайын бірге жұмыс жасаймыз, әрі одан көп нәрсені үйренемін», - дейді Ахмедов.
Айта кетейік, екі боксшы да соңғы жекпе-жегін 2019 жылы 5 қазанда өткізген болатын. Тұртас әлемге таралған коронавирус індетінің салдарынан Головкиннің Польша боксшысы Камил Шереметаға қарсы жекпе-жегі кейінге қалдырылды.