WBC рейтингінде қазақстандық боксшылардың орындары өзгерді

Бүкіләлемдік бокс кеңесі (WBC) барлық салмақ дәрежесі бойынша жаңартылған рейтингін жариялады, деп хабарлайды Prosports.kz.

Жартылай ауыр салмақта Әли Ахмедов екі сатыға төмендеп, 30-орынға жайғасты. Бұған дейін ол 28-орында тұрған.

Екінші орта салмақта Бек Нұрмағанбет те екі позицияға төмендеп, 14-орынға түсті. Ал орта салмақта Мейірім Нұрсұлтанов көшбасшылығын сақтап қалды.

Екінші жеңіл салмақта Сұлтан Заурбек жағдайын жақсартып, 16-орыннан 14-орынға көтерілді. Евгений Павлов үш саты төмендеп, 29-орынға жайғасты. Бекман Сойлыбаев 38-орыннан 39-орынға түсті.

Бірінші ең жеңіл салмақта Санжар Ташкенбай 35-орыннан 34-орынға көтерілді.