Қазақстан бокс федерациясы Азия ойындарындағы екі жекпе-жектің шешімімен келіспейді

Қазақстан бокс федерациясы Жапонияның Айти және Нагоя қалаларында өтіп жатқан 2026 жылғы Азия ойындарында ұлттық құрама өкілдерінің қатысуымен өткен екі жартылай финалдық жекпе-жектің нәтижесімен келіспейтінін білдірді, Prosports.kz.

75 келіге дейінгі салмақта Наталья Богданова Үндістан спортшысы Ловлина Боргохайнмен кездесті. Ал 55 келіге дейінгі салмақтағы жартылай финалда Махмұд Сабырхан Филиппин өкілі Карло Пааламамен жұдырықтасты.

Қазақстан бокс федерациясы аталған екі жекпе-жектің нәтижесіне де наразылық білдіріп, оларды қайта қарауды талап етпек. Федерация World Boxing ұйымына ресми наразылық жолдайтынын хабарлады.