Қазақстандық ескек есушілер Азия чемпионатында жоғары нәтиже көрсетуде

Қазақстан командасы Түркістандағы байдарка мен каноэде ескек есуден юниорлар, U23 жас санаты мен параканоэден Азия чемпионатының 3-жарыс күнін тағы жүлдемен аяқтады, деп хабарлайды Prosports.kz.

Таңғы сессияда спортшыларымыз 5 алтын, 2 күміс және 1 қола медаль иеленгенін жазғанбыз.

Ал күндізгі жарыс бөлігінде тағы 8 алтын, 2 күміс, 2 қола медаль олжалады. Назарыңызға жүлдегерлерді ұсынамыз:

Алтын алғандар:

• Стелла Суханова, Вероника Трапезникова (байдарка жұптық, U23, 200 метр)
• Мария Бровкова, Ульяна Киселёва (каноэ жұптық, U23, 200 метр)
• Тимофей Таранов, Даниил Коляда (байдарка жұптық, U18, 200 метр)
• Егор Краснонос, Дмитрий Холмогоров (байдарка, U23, 500 метр)
• Байдаркадан U18 жас ұлдар командасы (500 метр) Мадияр Қанекен, Алексей Ширман, Нұртілек Иман мен Никон Дергунов.
• Стелла Суханова, Вероника Трапезникова (байдарка жұптық, U23, 500 метр)
• Байдаркадан U18 Қазақстан қыздар командасы (500 метр) Эвелина Костенко, Анна Емельяненко, Анастасия Прибыткова, Кира Кальтенбергер.
• Мария Бровкова, Ульяна Киселёва (каноэ жұптық, U23, 500 метр)

Күміс алғандар:

• Каноэ, U18 жас Қазақстан ұлдар командасы (500 метр) Дәулет Шалдар, Руслан Федотов, Әділбек Исроилов пен Савелий Лыжин.
• Владислав Руденко, Полат Төребеков (каноэ, U23, 500 метр)

Қола алғандар:

• Зоя Прядка, Злата Прядка (байдарка жұптық, U18, 200 метр)
• Каноэден U18 Қазақстан қыздар командасы, 500 метр (Милана Абдубаева, Ксения Сломинская, София Гизенка, Ульяна Иванова)

Бүгін, 7 маусым Азия чемпионатының шешуші жарыс күні. Айта кетейік, Түркістандағы құрлық бәсекесіне 15 елден 300-ге жуық ескек есу шебері жиналды.

Қазақстандық ескек есушілер халықаралық жарыста алтын жүлде жеңіп алды

Бибісара Асаубаева Norway Chess-2026 халықаралық турнирінде чемпион атанды