Қазақстандық жағажай волейболшылары Азия ойындарының ширек финалына шықты

Қазақстандық Лаура Қабылбекова мен Мерей Қожахмет Азия ойындарындағы жағажай волейболы турниріндегі жарыс жолын жалғастыруда, деп хабарлайды Prosports.kz.

1/8 финалда қазақстандық жұп Гонконг өкілдері То Винтун мен То Винманға қарсы ойнады. Тартысты өткен кездесуде Қожахмет пен Қабылбекова екі партияның да соңында басымдық танытып, 2:0 (21:19, 21:19) есебімен жеңіске жетті.

Осылайша, Қазақстан құрамасының өкілдері жарыстың ширек финалына шығып, Азия ойындарының медальдары үшін күресті жалғастырады.