Тағы бір қазақстандық Азия ойындарында күміс медаль жеңіп алды

Қазақстандық жеңіл атлет Аделина Земс Жапонияның Айти және Нагоя қалаларында өтіп жатқан 2026 жылғы Азия ойындарында күміс медаль жеңіп алды, деп хабарлайды Prosports.kz.

Қазақстан ҰОК мәліметінше, 400 метрге кедергілер арқылы жүгірудің финалында спортшы 54,58 секунд нәтиже көрсетті. Бұл қазақстандық жеңіл атлеттің жеке рекорды.

Земс алтын медальдан небәрі 0,27 секундқа қалып қойды. Бірінші болып Біріккен Араб Әмірліктерінің өкілі Мариам Карим мәреге жетті. Ол қашықтықты 54,31 секундта жүгіріп өтіп, жарыста жеңіске жетіп қана қоймай, Азия ойындарының жаңа рекордын орнатты.

Қола жүлдені Үндістан өкілі Витхья Рамрадж иеленді. Ол да 54,75 секунд көрсеткішпен өзінің жеке рекордын жаңартты.