Қазақстан Ташкенттегі гимнастика турнирінде алтын алды

Қазақстан спорттық гимнастика құрамасы Ташкентте өткен Кубок Challenge Cup кезеңінде алтын медаль жеңіп алды, деп хабарлайды Prosports.kz.

Эмиль Ахмеджанов еркін жаттығуда 13,650 ұпай жинап, бірінші орынға ие болды. Ол шешуші финалда барлығынан жоғары нәтиже көрсеткен.

Жарыста күміс жүлде Өзбекстан спортшысы Хумоюн Исломовқа бұйырды (13,600), ал қола медаль Моңғолия гимнасты Энхтувшин Дамдиндоржға тиді (13,500). Қазақстанның тағы бір өкілі Алтынхан Темірбек 12,500 ұпаймен 8-орын алды.

Айта кетелік, жарыс Ташкент қаласында өтті, ал жалпы турнир Өзбекстан аумағында ұйымдастырылған халықаралық кезең болып саналады.