Елена Рыбакина жеңістен кейін жанкүйерлеріне үндеу жасады

Елена Рыбакина АҚШ ашық чемпионатындағы тарихи жеңісінен кейін жанкүйерлерімен эмоциясын бөлісті, деп хабарлайды Prosports.kz.

Қазақстандық теннисші үшін US Open-2026 турниріндегі бұл титул аталмыш жарыстағы мансабындағы алғашқы чемпиондық болды.

«Баршаңызға сәлем! Мен жаңа ғана осы керемет жүлдені жеңіп алдым. Әлі күнге дейін өзім де сене алар емеспін. Нью-Йоркте атмосфера керемет. Қолдауларыңыз үшін алғыс айтқым келеді! Бұл керемет, сөзбен жеткізу қиын. Маған көрсеткен махаббаттарыңыз бен қолдауларыңыз үшін тағы да рақмет», – деді Рыбакина US Open баспасөз қызметінің Х әлеуметтік желісінде жариялаған видеосында.

Шешуші кездесуде Қазақстан өкілі Арина Соболенкоға қарсы ойнады. Үш партияға созылған финал тартысты өтті. Алайда шешуші сәттерде Рыбакина сенімдірек ойнап, кездесуді 6:4, 5:7, 6:2 есебімен жеңіспен аяқтады.