Қазақстандық жас теннисші «Ролан Гаррос» турнирін сенімді бастады

Қазақстандық 17 жастағы Заңғар Нұрланұлы «Ролан Гаррос»-2026 жасөспірімдер турнирін жеңіспен бастады, деп хабарлайды Prosports.kz.

Алғашқы айналымда 17 жастағы қазақстандық теннисші британдық Марк Чебанды (ITF жасөспірімдер рейтингінде 36-орында) - 6:3, 6:4 есебімен жеңді. Кездесу 1 сағат 37 минутта аяқталды.

Енді Заңғар 1/16 финалда жапондық Мотохару Абе мен америкалық Агасси Рашер арасындағы жұптың жеңімпазымен кездеседі.