Астанада конкурдан халықаралық турнир өтіп жатыр

Қазіргі таңда Астанада ат спортынан ірі халықаралық турнирлер өтіп жатыр, деп хабарлайды Prosports.kz сайты ҰОК-қа сілтеме жасап.

Елордада Әлем кубогының кезеңі, Challenge Cup финалы, сондай-ақ, CDI1/CDI3 санатындағы жарыстар өтеді. Аталған додалардың барлығы Халықаралық ат спорты федерациясының (FEI) күнтізбесіне енгізілген.

Бәсекеге Бразилия, Колумбия, Үндістан, Марокко, Жаңа Зеландия, Оңтүстік Африка Республикасы, Мысыр, Эквадор, Ресей, Өзбекстан және өзге де елдердің спортшылары қатысады.

Жарыс бағдарламасына конкур мен атпен мәнерлеп жүру сайыстары енген.

Айта кетейік, 31 мамырға дейін жалғасатын бұл турнирлер 2026 жылы Германияның Ахен қаласында өтетін FEI әлем чемпионатына іріктеу кезеңдерінің бірі саналады.

Алматыда 200-ден астам адам велошеруге қатысты

XDS Astana Team велошабандозы жалпы есепте жүлдеге ілікті

Нариман Курбанов Словениядағы Challenge Cup кезеңінің финалына шықты