Қазақстан Азиада-2026 жарысына арналған жоспарын жариялады

Қазақстан дзюдо құрамасының бапкері Роберт Мшвидобадзе 2026 жылғы Азия ойындарындағы басты мақсатты айтты, деп хабарлайды Prosports.kz.

Маманның айтуынша, Азия ойындары Олимпиадаға тең деңгейдегі маңызды жарыс. Команда қазірден бастап дайындықты бастап кеткен және кем дегенде бір алтын медаль жеңіп алуды жоспарлап отыр.

Бапкер өткен Азиадалардағы нәтижелермен салыстырғанда көрсеткішті жақсартуды көздейтінін атап өтті. Бұған дейін Қазақстан дзюдошылары 2014 және 2018 жылдары алтын медаль алғанымен, 2023 жылғы Ханчжоу ойындарында алтынсыз қалған болатын.

Айта кетелік, 2026 жылғы Азия ойындары Жапонияның Нагоя қаласында өтеді. Жарыс 19 қыркүйек пен 4 қазан аралығына жоспарланған.