Александр Усик: «Бұрынғы кеңестік жүйеде спортшылар көбіне ұпай жинауды көздеген»

Әлем чемпионы Александр Усик посткеңестік елдердегі бокс мектебі әуесқой стильге тым бейім екенін айтты, деп хабарлайды Prosports.kz.

Украиналық боксшының сөзіне сүйенсек, бұрынғы кеңестік жүйеде спортшылар көбіне ұпай жинауды көздеген. Ол мұндай тәсіл кәсіпқой бокста әрдайым нәтиже бере бермейтінін атап өтті.

Усик америкалық және британдық бокс мектептерінде күшке және ауыр соққыға көбірек мән берілетінін айтты. Оның пікірінше, посткеңестік боксшыларға кәсіпқой стильге бейімделу үшін басынан бастап дайындалу қажет.

Айта кетелік, сонымен қатар украиналық чемпион жаттықтырушылардың да кәсіби боксқа сай өзгеріп, жаңа әдістерді үйренуі маңызды екенін жеткізді.

Рэй Джей нокауттан кейін ауруханаға түсті