Ангелика Кербер Australian Open жеңімпазы атанды

<p style="text-align: justify;"> <strong>28 жастағы германиялық теннисші Ангелика Кербер карьерасында алғаш рет Grand Slam жарысын ұтып алды.</strong></p> <p style="text-align: justify;"> ҚазАқпараттың мәлімдеуінше, ол Аустралия ашық чемпионатының финалында әлемнің 1-ракетасы америкалық Серена Уильямсты жеңді - 6:4, 3:6, 6:4. Кербер ширек финалда беларусь Виктория Азаренконы, жартылай финалда британиялық Джоанна Контаны қапы қалдырған.</p> <p style="text-align: justify;"> Серена Уильямс бұл жарысты 2015 жылы ұтқан және Аустралия ашық чемпионатының финалына жетінші рет шығып отыр.</p> <p style="text-align: justify;"> Кербер Аустралия ашық чемпионаты алдында әлемдік рейтингте 7-орында тұрған. Бүгінгі жеңісінен кейін ол әлемдік рейтингте 2-орынға шығады деп күтілуде.&nbsp;</p>