Танымал қазақстандық теннисші Португалиядағы турнирдің ширек финалына шықты

Танымал қазақстандық теннисші Михаил Кукушкин Портуда (Португалия) өтіп жатқан «Челленджер» сериясындағы турнирдің ширек финалына шықты, деп хабарлайды Prosports.kz.

Қазақстандық теннисші екінші айналымда бельгиялық спортшы Йорис де Лурмен кездесті. Матч 7-6, 6-3 есебімен Кукушкиннің пайдасына аяқталды.

Ширек финалда қазақстандық теннисші испаниялық Алекс Мартинеспен кездеседі.