Бублик Мадридтегі турнирдің үшінші айналымына өте алмады

Қазақстандық теннисші Александр Бублик Мадридте (Испания) өтіп жатқан «Мастерс» турнирінің үшінші айналымына өте алмады, деп хабарлайды Prosports.kz.

Екінші айналымда отандасымыз әлемдік рейтингте 7-орында тұрған даниялық Хольгер Рунадан жеңіліп қалды.

Екі сағат бес минутқа созылған кездесу 1:6, 6:4, 6:7 (9:11) есебімен аяқталды.

Айта кетейік, Мадридтегі жарыстың жалпы жүлде қоры 7 705 780 еуро.