Қазақстандық теннисшілер United cup турнирінде Польшадан жеңілді

Аустралияда тұңғыш рет United Cup командалық турнирі өтіп жатыр, турнирдің В тобында үш команда - Польша, Швейцария және Қазақстан бақ сынайды, деп жазады Prosports.kz.

Төртінші жарыс күні қазақстандық теннисші Жібек Құламбаева польшалық Магда Линетттен жеңіліп қалды.

1 сағат 07 минутқа созылған кездесу 6:2, 6:1 есебімен аяқталды. 

Топтық кезеңнің қорытындысы бойынша Қазақстан құрамасы турнирден ұшып кетті.

В тобының қорытындысы

Польша – Қазақстан – 3:1

Ига Швентек (Польша) – Юлия Путинцева (Қазақстан) – 6:1, 6:3

Тимофей Скатов (Қазақстан) – Даниэль Михальский (Польша) – 7:6(7), 6:2

Хуберт Хуркач (Польша) – Александр Бублик (Қазақстан) – 7:6(8), 4:6, 6:3

Магда Линетт (Польша) – Жібек Құламбаева (Қазақстан) - 6:2, 6:1.