Жұмағұлов қатысқан UFC турнирінің басты жекпе-жегі нокаутпен аяқталды

Астана уақытымен 20 қарашаға қараған түні Лас-Вегаста UFC Vegas 65 турнирі өтті, деп хабарлайды Prosports.kz.

Басты жекпе-жекте Ион Куцелаба мен нигериялық Кеннеди Нечукву кездесті. Жекпе-жектің екінші раундында Нечукву техникалық нокаутпен жеңіске жетті.

Нечукву мансабындағы 11-ші жеңісін тіркеді. Куцелаба 26 кездесудің 9-шы жекпе-жегінде жеңілді.

Айта кетейік, қазақстандық Жалғас Жұмағұлов осы турнирде Чарльз Джонсонмен төбелесіп, статистикада басым болса да, төрешілер қабылдаған түсініксіз шешімнің кесірінен жеңіліп қалды. Үздік промоушендегі төртінші жеңілісінен кейін Жалғас мансабы жайлы маңызды шешім қабылады.