Теннис

Қазақстандық жас теннисшілер Өзбекстанда өткен турнирдің жеңімпазы атанды

Қазақстандық жас теннисшілер Өзбекстанда өткен турнирдің жеңімпазы атанды

Қазақстандықтар Асылжан Арыстанбекова, Айя Нұпбай және Ерасыл Ерділда жұптық сында Өзбекстанда 18 жасқа дейінгілер арасында өткен үшінші санаттағы ITF турнирінің жеңімпазы атанды, деп хабарлайды Prosports.kz тілшісі ҚазАқпаратқа сілтеме жасап.

Қазақстан теннис федерациясынан мәлім еткеніндей, А.Арыстанбекова мен А.Нұпбай финалда жарыстың 1-ракеткалары, қырғызстандық Владислава Андреевская – ресейлік Влада Минчеваны ұтты – 1:6, 6:4, 10:5.

Осылайша, А.Арыстанбекова мен А.Нұпбай екеуі бірге жасөспірімдер арасында ITF жарысында алтыншы титулына қол жеткізді.

Жекелей сында Асылжан финалға дейін жетті. Ресейлік Влада Минчевамен өткен ойында бірінші сеттен кейін А.Арыстанбекова аздаған жарақат алып, бапкерімен ақылдасқаннан кейін матчты тоқтатуды жөн көрді. Сөйтіп жұптық сындағы соңғы бәсекеге басымдық берді.

Бозбалалар арасында Ерасыл Ерділда да жұптық сында чемпион атанды. Ол ресейлік Артем Алексейчукпен бірге финалда үш партияға созылған матчта доданың 1-ракеткалары, оңтүстіккореялық Ву Хюк Чанг – үндістандық Юван Нандалды тізе бүктірді – 4:6, 6:4, 10:6.

 

Ошибка в тексте? Выделите и нажмите Ctrl+Enter
Пікірлер 0