Қазақстандық теннисші Ыстанбұл турнирінің жеңімпазы атанды
<span>Қазақстандық Карина Жұмажанова жұптық сында 18 жасқа дейінгілер арасында Ыстанбұлда мәреге жеткен төртінші санаттағы турнирде жеңімпаз атанды, деп хабарлайды Prosports.kz тілшісі ҚазАқпаратқа сілтеме жасап. </span>
<span>Карина франциялық Марго Фанталамен бірге финалда жарыстың 3-ракеткалары - мысырлық Мариам Ибрахим, малайзиялық Сун Ян Танмен шеберлік байқасты. </span>
<span>Қазақстандық-франциялық жұп тартысты бәсекеде 3:6, 6:1, 10:8 есебімен жеңіске жетті. </span>
<span>Карина Жұмажанова жекелей сында ширек финалға дейін жетіп, онда норвегиялық Эмилия Лундеге есе жіберді – 5:7, 3:6. </span>
<span>Сондай-ақ, Алматы қаласындағы «Эйс» теннис орталығында «Almaty Masters 10&Under» турнирі аяқталды. Оған еліміздің барлық өңірлерінен 70-тен астам балғын теннисші қатысты. </span>
<span>Қыздар арасында финалда талдықорғандық Айым Қанағатованы жеңген алматылық Әдемі Әлсейпулова чемпион атанды. Үшінші орын елордалық Полина Лазаренкоға бұйырды. </span>
<span>Ұл балалар арасында соңғы сында елордалық Болатжан Нұрдәулетті сүріндірген өскемендік Югай Лев үздік шықты. Қарағандылық Темірлан Жантеміров қола жүлдеге ие болды.</span>
</picture>