Жас теннисші Заңғар Нұрланұлы Еуропа рейтингінде көш бастап келеді

<span>Tennis Europe ұйымы биыл күзде Монте-Карлода өтетін Junior Masters турниріне орай жаңартылған рейтингті жария етті, деп хабарлайды Prosports.kz тілшісі ҚазАқпаратқа сілтеме жасап. </span>

<span>Қазақстан теннис федерациясы мәлім еткеніндей, 14 жасқа дейінгілер арасында Заңғар Нұрланұлы бұрынғысынша көш бастап келеді. Оның еншісінде 520 ұпай бар. </span>

<span>Жалпыеуропалық рейтингте Заңғар 4-орында қалды. Ал Қазақстанның басқа жас жұлдыздары Дамир Жалғасбай мен Даниэль Тазабеков өз көрсеткіштерін жақсартты. Даниэль 37-інші, Дамир 39-сатыға көтерілді. </span>

<span>Жуырда Үндістанның Нью-Дели қаласында 14 жасқа дейінгілер арасында Азия/Тынық мұхит аймағы бойынша өткен іріктеу турнирінде осы теннисшілер 3-орынға ие болып, Қазақстан жасөспірімдер құрамасы тұңғыш рет әлем чемпионатының финалдық кезеңіне жолдама алған болатын. </span>

<span>Халықаралық теннис федерациясы да 18 жасқа дейінгілер арасында әлемдік рейтингті жаңартты. Мұнда үздік 100 теннисшінің қатарына кірген Максим Батютенко 77-орынға жайғасты. Ислам Орынбасар 211-інші, Даниил Фелькер 269-сатыда тұр. Даниал Рахматуллаев бірден 393-тен 371-ге, Әмір Омарханов 704-тен 526-ға жоғарылады. </span>

<span>Қыздар арасында Аружан Сағындықова 77-орнын сақтап қалса, Сандуғаш Кенжебаева 116-ыншы, Дана Байдәулет 147-інші, Жанель Рүстемова 156-ыншы, Еркежан Арыстанбекова 190-сатыда келеді.</span>

<br /><br />