Astana Open: Недовесов пен Евсеев іріктеу кезеңінде сүрінді

Нұр-Сұлтан қаласында ATP 250 турнирі басталды, деп жазады<span> </span>Prosports.kz.

Өкінішке орай, жарыс жолын іріктеу кезеңінен бастаған екі теннисшіміз алғашқы айналымда сүрінді. 

Александр Недовесов Босния және Герцеговина өкілі Дамир Джумхурға жол берді.

Бір сағат 43 минутқа созылған кездесу 6:1, 5:7, 2:6 есебімен аяқталды. 

Ал Денис Евсеев британиялық Марк Полманске есе жіберді.

1 сағат 44 минутқа созылған кездесу 7:5, 3:6, 0:6 есебімен аяқталды.

Еске сала кетейік, Қазақстан астанасындағы турнир 25 қазан мен 1 қараша аралығында өтеді.