Қазақстан теннис құрамасының Дэвис кубогы финалдық кезеңіндегі қарсыласы белгілі

2020 жылғы Дэвис кубогы финалдық кезеңінің жеребесі тартылды, деп хабарлайды Prosports.kz.

Қазақстан құрамасы Швеция және Канада командаларымен В тобына түсті.

Жеребе тастау рәсімі Мадридте (Испания) өтті, жарыс жеңімпазы 23-29 қараша аралығында анықталады.

Турнирге қатысатын 18 команда 6 топқа бөлінді.

- А тобы: Испания, Ресей, Эквадор

- В тобы: Канада, ҚАЗАҚСТАН, Швеция

- С тобы: Франция, Ұлыбритания, Чехия

- D тобы: Хорватия, Аустралия, Венгрия

- Е тобы: АҚШ, Италия, Колумбия

- F тобы: Сербия, Германия, Аустрия.

Еске сала кетейік, турнирдің қазіргі чемпиондары - Сербия теннисшілері, олар финалда Испания құрамасының өкілдерінен басым түсті.