Головкин: «Канело» үшінші жекпе-жектен бас тартты
Геннадий Головкин Madison Square Garden аренасында Сергей Деревянченкомен өтетін жекпе-жегі алдында FAIR Game бағдарламасының қонағы болды, деп жазады Prosports.kz.
Айта кетерлігі, Головикн Нью-Йорктегі әйгілі аренада осымен жетінші рет өнер көрсеткелі отыр. Кезекті жекпе-жекте ота салмақ санатында IBF және IBO титулдары сарапқа салынады.
Головкин мен Деревянченко жекпе-жек алдында салмақ өлшеді
«Маған MSG өте ұнайды. Бай тарихы бар бұл арена бокстың Меккесі саналды. Бұнда бәрі басқаша, атмосферасы ерекше», - деп бастады Головкин.
- «Канеломен» үшінші жекпе-жек бола ма?
- Ол бұдан бас тартып отыр. Егер біз жекпе-жек өткізуге келісімге келе алсақ, қанеки!
Головкиннің көрікті жанкүйерлері
- Ол сізбен кездеспес үшін өзге салмаққа ауысты ма?
- Мен бұл туралы ойлағам. Бәлкім ол басқа салмақта өзін ыңғайлы сезінетін шығар. Қыркүйек айында онымен күрескім келген. Әрі жанкүйерлер де бұл кездесуді көргісі келді, бірақ ол «жоқ» деді.
- Сіз Майкл Джорданмен бірінші рет қашан кездестіңіз?
- Ұмытпасам осыдан 5-6 жыл бұрын Нью-Йоркте жолықтым. Ол өзінің командасымен және отбасымен бірге келді. Ал мен Майкл Баффермен бірге тұрғам. Ол меннен Джорданмен жолыққың келе ме деп сұрады. Мен әрине кездескім келетінін айттым. Сөйтіп, керемет бір кезедесу болды.
Головкиннің Деревянченкомен айқасы үшін қанша гонорар алатыны белгілі
- Боксшылардан бөлек сүйікті спортшыңыз...
- Маған күрес ұнайды. Александр Карелин. Жүзуден Майкл Фелпс ұнайды. Майкл Джордан да керемет спортшы. Ал бокс әлемінен - Мухаммед Али.
- Мансабын аяқтаған боксшылардан кіммен жұдырықтасқыңыз келеді?
- Карлос Монсон, Марвин Хаглер. Шугар Леонард.
- Сіз жекпе-жектен кейін бірінші кезекте не жейсіз?
- Торт, бал немесе «Наполеон», Cheesecake.
Айта кетейік, GGG - Деревянченко кездесуі 6 қазан күні Нью-Йоркте, Madison Square Garden аренасында өтеді. Жекпе-жек Нұр-Сұлтан уақытымен сағат 08:00-де басталады. Тікелей трансляция Prosports.kz сайтында қол жетімді болады.
