Қазақстандық бессайысшылар Азия ойындарындағы алғашқы сайыстарын өткізді
2026 жылғы Азия ойындары өтіп жатқан Жапонияның Айти және Нагоя қалаларында ерлер арасындағы қазіргі бессайыстың семсерлесу кезеңіндегі алдын ала сайыстар аяқталды, деп хабарлайды Prosports.kz.
Қазақстандық спортшылар арасында ең үздік нәтижені Темірлан Абдраимов көрсетті. Іріктеу кезеңінде ол 35 жекпе-жек өткізіп, 27 рет жеңіске жетті және сегіз рет жеңілді. Осы нәтиже оған қорытынды хаттамада екінші орын алуға мүмкіндік берді. Бірінші орынға 31 жеңіс тіркеген Оңтүстік Корея өкілі Со Чан Ван жайғасты.
Қазақстанның тағы бір өкілі Кирилл Стадник оныншы нәтиже көрсетті. Оның еншісінде 21 жеңіс және 14 жеңіліс бар.
Лев Чувашов алдын ала кезеңді 14-орында аяқтады. Ол 35 кездесудің 20-сында жеңіске жетті. Осындай көрсеткішке ие Тихон Варехин 15-орынға орналасты.
Семсерлесу кезеңінің қорытындысы спортшыларды әрі қарай бөлу және жарыстың келесі кезеңдеріндегі бастапқы позицияларын анықтау үшін маңызды.
Қазіргі бессайыстан ерлер арасындағы жартылай финалдық жарыстар 18 қыркүйекке жоспарланған.