Бұрынғы WBA және IBF чемпионы іздеуде жүр

АҚШ-тың Мэриленд штатының билігі WBA және IBF нұсқалары бойынша бокстан бұрынғы әлем чемпионы Джервонта Дэвиске іздеу жариялады, деп хабарлайды Prosports.kz.

Дереккөздің айтуынша, Дэвис Майамиде тұтқындалғаннан кейін шартты түрде босату мерзімін бұзған. Боксшы бұрынғы сүйіктісі Кортни Россельге қатысты тұрмыстық зорлық-зомбылық жасады деп айыпталған. Оқиға 2025 жылдың қазан айында болған. Дэвис ұрып-соғу, заңсыз бас бостандығынан айыру және адам ұрлау әрекеті үшін қамауға алынған.

Егер тұтқындалған жағдайда, бұрынғы әлем чемпионы кепілдіксіз қамауда ұсталады.

Джервонта Дэвис кәсіби рингте қатарынан 30 жекпе-жекте жеңіске жетті, оның 28-і нокаутпен аяқталды. Бір жекпе-жек тең аяқталды.

Рэй Джей нокауттан кейін ауруханаға түсті