Махачев келесі жекпе-жегінің уақытын айтты

UFC ұйымының жартылай орта салмақтағы чемпионы Ислам Махачев келесі жекпе-жегін қашан өткізетінін айтты, деп хабарлайды Prosports.kz.

Ресейлік файтердің сөзінше, оның келесі айқасы тамыз айына жоспарланған. Алайда қарсыласының кім болатыны әзірге нақты белгісіз.

Махачев қазірдің өзінде жақсы физикалық формада екенін де атап өтті.

34 жастағы спортшы қазіргі таңда UFC-де 16 жекпе-жектен тұратын жеңісті серияға ие.

Ислам Махачевтің кәсіби рекорды — 28 жеңіс және бір жеңіліс.

Соңғы кездесуін ол Нью-Йоркте өткен UFC 322 турнирінде австралиялық Джек Делла Маддаленаға қарсы өткізді.

Жартылай орта салмақтағы чемпиондық белбеу сарапқа салынған жекпе-жекте Махачев төрешілердің бірауызды шешімімен жеңіске жеткен болатын.