Billie Jean King Cup: Қазақстан алға шықты
Астанада Қазақстан мен Канада әйелдер құрамалары арасында Билли Джин Кинг-2026 кубогының іріктеу матчтары басталды, деп хабарлайды Prosports.kz.
Кортқа бірінші болып Юлия Путинцева мен Кайла Кросс шықты. Қазақстандық теннисші екі сетте 6:3, 7:5 есебімен сенімді жеңіске қол жеткізді. Кездесу 1 сағат 35 минутқа созылды.
Осы жеңістің арқасында Қазақстан 1:0 есебімен алда келеді. Екінші матчта Соня Жиенбаева мен US Open-2019 жеңімпазы Бианка Андрееску кездеседі.
Командалар турнирдің соңғы кезеңіне шығу үшін күресуде. Қорытынды жеңіс үшін бес матчтың үшеуінде жеңіске жету керек. Ойындар жабық корттарда өтеді.
Billie Jean King Cup: Қазақстан мен Канада құрамаларының баспасөз мәслихаты өтті
Қазақстандық теннисші әлемдік рейтингте айтарлықтай жоғарылады