Роналду тағы да қосалқы құрамда қалады

Криштиану Роналду Португалия құрамасының ширек финалдағы Мароккоға қарсы матчын қосалқы құрамнан бастайды, деп хабарлайды Prosports.kz.

A Bola мәліметінше, шабуыл шебіне бірінші минуттан Гонсалу Рамуш шығады, ол 1/8 финалда Швейцария қақпасына хет-трик жасаған болатын.

Роналду бұл кездесуде де қосалқы құрамда болады. 

Португалиялық футболшы Катардағы мундиальде бір гол соққан болатын.

Айта кетейік, Португалия мен Марокко құрамаларының матчы 10 желтоқсанда Астана уақытымен 21:00-де басталады.

Фото: Reuters