Исмагулов келесі жекпе-жегін қашан өткізеді
ТАСС басылымының тілшісі Игорь Лазорин ресейлік файтер, этникалық қазақ Дамир Исмагуловтың келесі жекпе-жегі шамамен қашан өтетінін жариялады, деп жазады Prosports.kz.
Ол бұл туралы инстаграм желісіндегі «story» бөлімінде хабарлады.
«Дамир Исмагулов UFC-дегі кезекті кездесуін наурыз-сәуір айларында өткізуді жоспарлап отыр. Жарақатына байланысты Исмагулов 2019 жылдың тамыз айынан бері жекпе-жек өткізген жоқ», - деп жазды Лазорин.
Айта кетейік, жеңіл салмақта бұрынғы М-1 чемпионы Дамир Исмагулов UFC туы астында 2018 жылдың желтоқсан айынан бері өнер көрсетіп келеді. MMA әлемдегі жетекші лигада ол үш жекпе-жек өткізіп, бәрінде жеңіске жетті. Соңғы кездесуінде ол 2019 жылы 31 тамызда Шэньчжэньде бразилиялық Тиаго Мойзеді төрешілердің шешімімен жеңген болатын.
