Уайт: Хабиб әкесі туралы ештеңе айтқан жоқ, мен өзім естіп, білдім

UFC президенті Дана Уайт UFC жеңіл салмақтағы чемпионы Хабиб Нурмагомедовпен сөйлескені туралы айтты. Қоңырауға себеп әкесі мен жаттықтырушысы Хабиб Абдулманап Нурмагомедовтың ауыр халі жайлы хабар болатын, деп жазады Prosports.kz Allboxing.ru сайтына сілтеме жасап.

«Мен кеше онымен сөйлестім, ол маған тіпті ештеңе де айтқан жоқ. Ол бәрін ішінде сақтайды және бұл туралы ешкіммен сөйлеспейді деп ойлаймын», - деді Уайт 13 мамырда Джексонвилде UFC турнирінен кейін өткен баспасөз мәслихатында. «Мен бүгін өзім естіген соң хабарластым». Оның көңіл-күйі жоқ, бірақ еркек емес пе, ештеңе білдіргісі келмейді. «Сіз менің әкемді қалай жақсы көретінімді білесіз» дейді. Жоқ, бүгін біз шайқастар туралы сөйлеспедік.

Еске сала кетелік, Мәскеу ауруханаларының бірінде жатқан Абдулманап Нурмагомедовтың беті бері қараған.