Джокович: Дәл қазір теннис мені мүлде қызықтырмайды

Сербия теннисшісі Новак Джокович коронавирус пандемиясы жағдайындағы спорттың болашағы туралы пікір білдірді, деп хабарлайды Prosports.kz.

«Мен қазір ойнауға дайынмын, бірақ қандай да бір турнир басталғанша бірнеше ай өтеді деп ойлаймын. Жанкүйерсіз немесе матчқа көрерменнің жиналуына байланысты шешімді біз қабылдамаймыз, өйткені денсаулық спортқа қарағанда әлдеқайда маңызды. Дәл қазір мені теннис мүлде қызықтырып жүрген жоқ. Күн сайын физикалық бабымды жоғалтпас үшін үйде жаттығамын. Әлемде коронавирус жағдайы өте ауыр, көптеген адамдар мұндай қорқынышты шындықтан зардап шегіп отыр. Теннис қазір маңызды емес, бірақ ойыншылар кеңесінде біз күн сайын біздің спорттың бағытын талқылаймыз», - дейді Джокович.