Түркиялық клубтың ойыншысы коронавирус жұқтырды
«Фенербахче» футбол клубының бір ойыншысы мен команда дәрігерінен коронавирус анықталды, деп жазады Prosports.kz.
Бұл туралы түркиялық клуб ресми мәлімдеме жасады. Бірақ Вирус жұқтырғандардың аты-жөндері айтылған жоқ.
«Бүгін команда ойыншылары, техникалық құрамы және әкімшілік қызметкерлері коронавирусқа тесттен өтті. Медициналық зерттеулер біздің бір футболшыда және медициналық қызметкерде COVID-19 белгілері бар екенін көрсетті. Олар ауруханаға жатқызылды», - делінген стамбулдық клубтың хабарламасында.
