Головкин промоутерімен кездесті: негізгі мақсат жария етілдi
Қазақстанның және әлемнің спорт жаңалықтарына жазылыңызОрта салмақтағы IBF тұжырымы бойынша әлем чемпионы Геннадий Головкин мен оның промоутерлерінің бірі Эдди Хирн Лос-Анджелесте жұмыс кездесуін өткізді.
Хирн бұған дейін хабарлағандай, әңгіме барысында боксшы мен промоутер Геннадийдің алдағы жекпе-жектеріне жасаған жоспарларын талқылады.
"Бүгін кешке біз чемпион Геннадий Головкинмен жақсы кездесу өткіздік, келесі жекпе-жекті жоспарлап жатырмыз!", - деп жазған Хирн GGG-мен бірге түскен фотосын жариялады.
Айта кетейік, Головкиннің келесі қарсыласы Камил Шеремета болуы мүмкін. Жекпе-жек Чикагода 2020 жылдың ақпанында немесе наурызында өтеді деп жоспарлануда. Осыдан кейін қазақстандық боксшы мексикалық Сауль "Канело" Альвареспен үшінші рет жекпе-жек өткізуге бел буып отыр.