Абылайхан Жүсіпов Азия чемпионын жеңді

Екатеринбургте өтіп жатқан бокстан әлем чемпионатының 1/16 финалы аясында Абылайхан Жүсіпов өнер көрсетті, деп хабарлайды Prosports.kz сайты.

Қазақстандық боксшы тай боксшысы Вуттичай Масукпен кездесті. Төрешілер бірауыздан Жүсіповты жеңіске лайықты деп тапты - 5:0.

Айта кетейік, Масук Азия ойындарының алтын және қола жүлдегері (2014, 2010) атанған. Сонымен қатар, ол Оңтүстік-Шығыс Азия ойындарын (2013, 2015, 2017) жеңіп алған.

Жүсіпов болса, 2017 жылғы әлем чемпионатында қола жүлдені, Азия чемпионатында күміс жүлдені иеленген.