Қанат Исламның қарсыласы белгілі болды
Қазақстандық боксшы Қанат Ислам (25-0, 20 КО) 5 маусымда жекпе-жек өткізеді, деп хабарлайды Prosports.kz сайты.
Qazaq Promotions-тың ресми инстаграм парақшасы мәлім еткендей, Қанат Ислам 36 жастағы Доминикан Республикасының өкілі Хулио де Хесуспен (27-1, 24 КО) кездеседі.
Жерлесіміз орта салмақта WBO Intercontinental титулына таласқа түседі.
Қазақстандық боксшының орта дивизионға ауысқанын жазған болатынбыз. Бірінші орта салмақта өнер көрсеткен жерлесіміз 25 рет жеңіске жеткен болатын.
Ислам шаршы алаңға 2017 жылдың қыркүйек айынан бері шықпады.
