Мбаппе Гиннесс рекордтар кітабына екі рет енді
ПСЖ және Франция ұлттық құрамасының шабуылшысы Килиан Мбаппе Гиннесс рекордтар кітабына екі рет енді.
L`Equipe мәліметінше, 19 жастағы форвардтың Гиннесс рекордтар кітабына енуіне бір себеп - Чемпиондар лигасындағы ең жас гол авторы атануы. Ол жартылай финалда «Монако» сапында жүріп «Ювентуске» гол соққан болатын. Ойыншыға бұл кезде 18 жаста болды.
Сонымен қатар, Мбаппе «Алтын допқа» үміткер атанған ең жас номинант. Бұл тізімге ол 2017 жылы 9 қазанда өзінің 18 жасында ілікті.
CIES Football Observatory зерттеу орталығы бойынша Килиан трансферлік құны 216,5 миллион еуро құрайтын әлемдегі ең қымбат футболшы болып танылды.
