ҰХЛ-да ойнауды армандаған хоккейші ҚХЛ-ға қайта оралады

Ресейлік шабуылшы Илья Сафонов «Ванкувер Кэнакс» жүйесінен кетіп, мансабын Құрлықтық хоккей лигасында (ҚХЛ) жалғастырады, деп хабарлайды Prosports.kz.

Бұл туралы хоккейшінің агенті Дэн Мильштейн мәлімдеді.

Өткен жазда «Ванкувермен» бір жылдық келісімшарт жасасқан Сафонов Ұлттық хоккей лигасында (ҰХЛ) бірде-бір матч өткізе алмады. Ол Солтүстік Америкадағы барлық кездесуін Америка хоккей лигасында (АХЛ) өткізді.

Шабуылшы «Абботсфорд Кэнакс» сапында 12 матчқа қатысып, төрт нәтижелі пас берді.

«Илья «Кэнакс» жүйесінде өткізген уақытын жоғары бағалайды. Ол «Абботсфордтағы» жаттықтырушылармен және мамандармен жақсы қарым-қатынас орнатты. Негізгі мақсаты – ҰХЛ-да ойнау болғанымен, оған қол жеткізе алмады. Соған қарамастан, берілген мүмкіндік үшін алғыс айтып, ҚХЛ-ға оралады», – деп жазды Мильштейн әлеуметтік желіде.

Сафоновтың ҚХЛ-дағы құқықтары Қазанның «Ак Барс» клубына тиесілі. Сондықтан ол бұрынғы командасына қайта қосылады.

Шабуылшы 1 желтоқсаннан кейін Анвар Гатиятулин жаттықтыратын команда сапында мұз айдынына шығуы мүмкін.

Қазандық клуб Сафоновтың оралуынан үлкен үміт күтеді. Бұрын команданың капитаны болған хоккейші шабуыл шебін күшейтіп, шайбаға таласу кезіндегі ойынды жақсартуы тиіс.

Илья Сафоновтың статистикасы:

• «Ак Барс» (ҚХЛ): 410 матч, 154 (75+79) ұпай;

• «Абботсфорд Кэнакс» (АХЛ, 2026/27): 12 матч, 4 (0+4) ұпай.

Сафонов «Ак Барс» сапында 2023 және 2026 жылдары екі рет Гагарин кубогының финалына шыққан.