«Адмирал» қақпашысы ҚХЛ тарихына енді

«Адмирал» қақпашысы Никита Бояркин Құрлықтық хоккей лигасы тарихында шайба соққан алтыншы голкипер атанды, деп хабарлайды Prosports.kz.

Никита Бояркин СКА командасымен өткен матчта шайба соғып, ҚХЛ тарихына енді. Владивостоктық клуб бұл кездесуде 4:0 есебімен жеңіске жетті.

Бояркин ҚХЛ матчінде өз алаңында өнер көрсеткен команда сапынан гол соққан алғашқы қақпашы атанды. Сонымен қатар ол шайбаға соңғы болып тигені анықталған төрт голкипердің қатарына қосылды.

Бұған дейін мұндай жетістікке бес қақпашы қол жеткізген:

• Илья Проскуряков («Металлург», Магнитогорск) — 2009 жылғы 25 қаңтарда «Ақ Барсқа» қарсы матчта;

• Эдгарс Масальскис («Динамо», Рига) — 2010 жылғы 7 қаңтарда «Амурға» қарсы ойында;

• Виталий Еремеев («Барыс») — 2013 жылғы 19 қазанда «Сибирьге» қарсы кездесуде;

• Йони Ортио («Витязь») — 2019 жылғы 30 қаңтарда «Тракторға» қарсы матчта;

• Илья Коновалов («Динамо», Мәскеу) — 2023 жылғы 17 қаңтарда «Торпедоға» қарсы ойында.

Никита Бояркин бұл тізімге 2026 жылғы 4 қарашада СКА-ға қарсы матчта гол соғу арқылы қосылды.