Линекер Роналдудың Португалия құрамасындағы жағдайы туралы пікір білдірді
Англия құрамасының бұрынғы капитаны Гари Линекер Португалия құрамасында Криштиану Роналдудың айналасында қалыптасқан жағдайға қатысты пікір білдірді, деп хабарлайды Prosports.kz.
41 жастағы шабуылшы ұлттық құраманың орналасқан жерінен мерзімінен бұрын кетіп қалған болатын. Оның бұл шешімі Португалия құрамасының бас бапкері Жорже Жезушпен болған келіспеушілікке байланысты екені хабарланды.
Линекер Роналдудың Португалия құрамасындағы болашағына қатысты да пікірін білдірді.
«Бұл сәл өкінішті, өйткені ол керемет ойыншы болды. Ақыр соңында, бес немесе он жылдан кейін бұл жағдайды ешкім есіне алмайды. Біз оның қаншалықты ұлы болғанын ғана есте сақтаймыз. Алайда Мессидің Аргентина құрамасымен қоштасуына қарасақ, ол өте әдемі өтті. Меніңше, Криштиану да сондай қоштасуға лайық», — деді Линекер.