«Реал» — «Интер» матчына шолу

Мадридтік «Реал» Чемпиондар лигасындағы алғашқы ойынын жеңіспен бастап, өз алаңында миландық «Интерді» 2:1 есебімен жеңді, деп хабарлайды Prosports.kz.

Карло Анчелотти шәкірттері қонақтардың қақпасын екі рет дәл көздеді. 14-минутта мадридтік клубтың жұлдызы Килиан Мбаппе есеп ашты. Арада тоғыз минут өткенде «корольдік клубтың» басымдығын уругвайлық жартылай қорғаушы Федерико Вальверде еселей түсті.

77-минутта «Интер» қорғаушысы Карлос Аугусто бір голдың есесін қайтарды. Алайда миландықтардың есепті теңестіруге шамасы жетпеді.