Сафонов Лев Яшин атындағы жүлдеге үміткерлер қатарына енді

«Пари-Сен-Жермен» және Ресей құрамасының қақпашысы Матвей Сафонов жыл сайын әлемнің үздік қақпашысына табысталатын Лев Яшин атындағы жүлдеге үміткерлердің қатарына енді, деп хабарлайды Prosports.kz.

Жүлде иегері 26 қазанда өтетін «Алтын доп» салтанатты рәсімінде анықталады.

Ресейлік қақпашымен бірге қысқа тізімге Яссин Буну («Аль-Хиляль»), Тибо Куртуа («Реал»), Грегор Кобель (дортмундтық «Боруссия»), Жоан Гарсия («Барселона»), Эдуар Менди («Аль-Ахли»), Эмилиано Мартинес («Челси»), Давид Райя («Арсенал»), Кабо-Верде құрамасының қақпашысы Возинья және Унаи Симон («Атлетик») енді.

Матвей Сафонов 2024 жылдың жазынан бері париждік клубтың қақпасын қорғап келеді. Осы уақыт аралығында ол тоғыз жүлдені жеңіп алды. Олардың қатарында Чемпиондар лигасындағы екі жеңіс те бар (2024/25 және 2025/26 маусымдары).

Transfermarkt порталының мәліметінше, 26 жастағы қақпашының нарықтағы құны 30 миллион еуроны құрайды.