Сәтпаев «Челси» сапына оралады

Қазақстан құрамасының шабуылшысы Дастан Сәтпаев сіңір жарақатынан кейін қалпына келу үшін уақытша ем қабылдау мақсатында «Челси» клубының орналасқан жеріне баруы мүмкін, деп хабарлайды Prosports.kz.

TalkBFC мәліметінше, 18 жастағы шабуылшы жақын арада Ұлыбритания астанасына барып, оңалту курсынан өтеді. Одан кейін «Бернли» сапына қайта қосылады.

«Бернли» бас бапкері Ники Хайен футболшының алдағы бірнеше аптада алаңға шыға алмайтынын растады. Сәтпаев жарақатты Чемпионшиптің 4-турында «Мидлсброға» қарсы матчта алды. Кездесу 1:1 есебімен аяқталды. Қазақстандық футболшы негізгі құрамда бастап, 81-минутта алаңнан ауыстырылды. Осыдан кейін ол «Бристоль Ситиге» қарсы кездесуді өткізіп алды.

Сәтпаев «Бернлиге» «Челсиден» маусым соңына дейін жалға берілген. Оның лондондық клубпен толық келісімшарты 2033 жылға дейін жасалған. Қазақстандық футболшы «Бернли» сапында осы уақытқа дейін төрт ресми матч өткізді.