Қазақстан мен Португалия матчы күтпеген нәтижемен аяқталды
Қазақстан жасөспірімдер футбол құрамасы Еуроквалификацияда фаворит саналған Португалиямен тең ойнап, турнирдің ең күтпеген нәтижелерінің бірін тіркеді, деп хабарлайды Prosports.kz.
Грекияның Салоники қаласында өткен кездесуде Қазақстан U-19 құрамасы 1:1 есебімен тең түсіп, топтағы басты фавориттердің бірімен ұпай бөлісті. Матчтың тағдыры соңғы минуттарға дейін шешілмей, көрермендер үлкен драмалық ойынның куәсі болды.
81-минутта португалиялық Эдуардо Феррейра есеп ашқанымен, қазақстандықтар берілмей, 86-минутта алаңға кейін қосылған Алдияр Нұрғали таразы басын теңестіріп, командасын жеңілістен құтқарып қалды.
Айта кетелік, аталмыш нәтиже Қазақстан құрамасына топтағы алғашқы турдан кейін маңызды ұпай әкеліп, жанкүйерлер арасында резонанс тудырды.
Өзбекстан құрамасы Канадамен жолдастық матч өткізді
FIFA әлем чемпионатындағы төрешілердің өкілеттігін кеңейтті