«Барыстың» үздік мергенінің статистикасы жарияланды

«Барыс» аяқталған маусымдағы команданың үздік мергені Майкл Веккьоненің статистикасын жариялады, деп хабарлайды Prosports.kz.

Канадалық шабуылшы тұрақты чемпионат қорытындысы бойынша астаналық клубтың ең нәтижелі хоккейшісі атанды.

Ол 65 матчта 19 шайба соғып, 27 нәтижелі пас берді.

Сонымен қатар Веккьоне алты жеңіс шайбасымен лига көшбасшыларының қатарына енді.

Көпшілікте жеті гол соққан шабуылшы бұл көрсеткіш бойынша да «Барыста» үздік болды.

Мұз айдынындағы орташа уақыты шамамен 18 минутты құрады.

Айта кетейік, Майкл Веккьоне «Барысқа» маусым алдында келген болатын. Бұған дейін оны челябілік «Трактор» сапына қосқан. Бірақ клуб уфалық «Салават Юлаевтың» көшбасшысы Джош Ливомен келісімге келгеннен кейін легионер орны мен жалақы лимитін босатуға мәжбүр болды.

Нәтижесінде канадалық хоккейші астаналық команданың негізгі көшбасшыларының біріне айналды.

Маусым аяқталған соң Веккьонеге бірнеше клуб қызығушылық танытқан. Ақырында хоккейші үшін күресте нижегородтық «Торпедо» жеңіске жетті.