Соккадан Еуропа біріншілігі: Испания соңғы минутта жеңісті жұлып алды
Қазақстан құрамасы 2026 жылғы Албанияның Тирана қаласында өткен Еуропа Сокка чемпионатының финалында Испаниямен кездесті, деп хабарлайды Prosports.kz.
Трофейлік матч Испания құрамасының пайдасына 2:1 есебімен аяқталды. Испания 29-шы минутта бұрыштама добынан кейін есеп ашты. 35-ші минутта Қазақстан Үсеновтің голының арқасында таразы басын теңестірді. Ойынның соңында Испания 39-шы минутта тағы бір бұрыштама добынан кейін гол соғып, жеңісті жұлып алды.
Еске сала кетейік, Қазақстан 1/8 финалда Германияны 4:0 есебімен жеңді, ширек финалда Польшаны (1:0) жарыс жолынан шығарды, ал жартылай финалда Венгрияны 2:0 есебімен тізе бүктірді. Финалға жолдама алған Испания плей-оффта Италияны (2-2, 2-0), Украинаны (1-1, 1-0) және Сербияны (1-0) жеңді.
Қоса кетейік, бұл додада Қазақстан 2024 жылы топ жарған еді. Өткен жылы ширек финалға дейін жетіп, Испанияға жол берді.
Сокка - 6х6 футбол нұсқасы. Ойындар 50х30 метрлік алаңда өткізіледі және 20 минуттық екі таймнан тұрады. Әр команда бір қақпашыдан және бес алаң ойыншысынан тұрады.
«Манчестер Сити» Англия кубогын жеңіп алды