Қазақстандық таеквоншы Азия чемпионатын сәтті бастады

Ұлттық құрама таеквондошысы Эльдар Бірімбай Моңғолия астанасы Ұлан-Батырда өтіп жатқан Азия чемпионатында алғашқы жеңісіне қол жеткізді, деп хабарлайды Prosports.kz сайты ҚР Туризм және спорт министрлігінің Спортты дамыту дирекциясының баспасөзіне сілтеме жасап.

Отандасымыз -74 кг салмақтың 1/32 айналымында Рахул Синхқа (Үндістан) еш мүмкіндік берген жоқ. Есеп: 2-0.

Өкінішке қарай -58 кг салмақтағы спортшымыз Жавохирхон Исламов алғашқы айналымда Лоикжони Шухрадзодтан (Тәжікстан) жеңіліп қалды. Есеп: 0-2.