Қазақстан үстел теннисінен әлем чемпионатының келесі кезеңіне жол іздейді

Қазақстанның ерлер құрамасы үстел теннисінен әлем чемпионатында топтық кезеңді мінсіз өткізіп, плей-оффқа сенімді түрде жолдама алды, деп хабарлайды Prosports.kz.

Команда өз тобында үш матчтың барлығында жеңіске жетіп, бірінші орынға шықты.

Осының арқасында қазақстандықтар бірден 1/16 финалдан бастап өнер көрсету мүмкіндігіне ие болды. Бұл нәтиже команданың жоғары деңгейін және тұрақты ойынын көрсетті.

Айта кетелік, 4 мамыр күні Қазақстан құрамасы 1/8 финалға шығу үшін Испанияға қарсы маңызды кездесу өткізеді.